عارف ..
لما تحب تكلم ربنا مش هتحتاج تشحن رصيدك
ولا كمان هتاخد بالك من كل كلمه بتقولها لا تخاف يفهمك غلط
هو اصلا فاهمك :)
كمان مش هتحتاج تقوله "انا اسف اني ازعجت حضرتك في وقت زي ده ممكن دقيقه من وقتك ؟"
وعارف بقي ايه اهم حاجه في كل ده ؟
انك مش محتاج تعلّي صوتك عشان يسمعك
من غير ولا كلمه .. هو عارف كل حاجه ..
الوحيد اللي مش بتتكسف تحكيله حاجه
والغريب بقي ان الحاجه دي هو اصلا عارفها..
ومع ذلك بيسمعك ولا يمِلّ ولا هيقولك "احنا اتكلمنا في الموضوع ده مليييون مره ..ارحمني!"
الوحيد اللي مش بتتكسف تعيط قدامه
وفي سجده تبقي معاه في اجتماع خاص
الوحيد اللي بتحبه من زمان بس عمرك ما قابلته !
الوحيد اللي بيحبك من زمان وانت ماتعرفش ..
عمرك اخدت بالك انك عشان تطلعله لازم تنزل علي ركبك ؟
وان كتابه الكريم فيه كل الاجابات علي كل الاسئله اللي في ذهنك ؟
سامعك ..شايفك.. فاهمك.. بيحبك
